唔怕豬一般的隊友,去旅行最緊要開心!無論你係藝文青、定辦公室入面的打工仔,只要緊貼旅優之神,生活可以更精采!

© 2017 by AVLord.com All Rights Reserved. 

  • 邦主

去韓國,識玩就一定會逛街市!

Updated: Mar 7, 2018


無論喺香港定去旅行,邦主都非常鍾意逛街市。了解當地文化之餘,又可以食嘢同買嘢。


其實喺首爾、釜山同濟洲,都有好多大型街市,比較多外國人去嘅就有廣藏市場、機張市場、札嘎其同東門在來市場等等。市場內,大家有機會食盡當地名物同小食,又平又夠地道。坐喺排檔食綠豆餅、血腸、豬肝、炒年糕,最後再叫多份紫菜包飯作結尾,真係聽落都充滿韓國風味。如果大家想食韓式拌生牛肉,廣藏市場內都有好幾間專門店提供拌生牛肉同牛肝,堂食同外買都得。仲有釜山嘅長腳蟹同濟洲嘅魚生同鮑魚,通通都可喺當地市場食到,仲保證新鮮!

至於購物,都係以乾貨同調味品為主。唔講大家可能冇留意,其實韓國嘅調味醬料同乾海產都好得。當中最有特色會係韓式蝦醬,食落滿口蝦仔嘅咸香。而海帶更加係聖物,當地其中一款家常湯水就係海帶牛肉湯,而佢哋生日就一定會飲呢個湯,希望可以健健康康!