• 邦主@BeyonderX

去台灣原來要買佢!?

台灣購物日:猴子狂徒

如果你同邦主一樣,當台灣係你第二個家同時又係一名馬騮狂熱份子,咁你就一定會愛上呢隻「猴王八奈奈 Banana Monkey」。Banana Monkey其實係一個台灣高雄本土品牌,呢隻人氣馬騮憑著獨特多變同任性淘氣嘅設計風格走紅全台灣。產品主打年青便服,男女老少都有。專櫃遍佈各大商場及新光三越等。

台中新光三越專櫃及逢甲OUTLET

神級手工蛋捲 嘉義福義軒

如果你有機會去到嘉義,就一定唔可以錯過呢間超過60年歷史嘅老牌餅乾店。 幾款不同口味就基本啦,個人比較喜歡原味同咖啡味。最重要係呢度啲蛋捲夠哂重口味又超級鬆化!包你停唔到口!邦主每次都會買一大堆自用同做手信。

綜合蛋捲禮盒一次過有哂幾款口味

肉乾! 全部都無肉乾!

台灣嘅肉乾店成仟上萬,講真,邦主就食唔出有幾大分別。點算好?梗係買啲有少少包裝㗎啦。位於西門町amba商場嘅快車肉乾就成為邦主首選,至少個店舖同包裝望落唔會老老土土,而且產品種類夠多,一定有收獲。推介元氣條,大大條,保證你冇失禮!佢地除咗真空包裝外,內裏仲有個阿媽最愛嘅有蓋膠盒,可以環保再用。冇得輸!

鐘意潮遊台灣嘅你,如果有咩猛料想同大家分享,歡迎隨時PM我地,等你呀!