• 邦主

大阪必食超人氣pancake

Updated: Oct 27, 2017



唔係邦主偏心,而係日本啲餐廳真係靠得住。好似近期人人都話要食梳乎厘pancake,日本大型連鎖咖啡店Gram真係無得輸,最近邦主就試過Gram大阪城公園Jo-Terrace分店嘅pancake同西多,兩款甜品都造得非常鬆軟,色香味俱全,最緊要唔會得個甜字。

Cafe Gram 分店: http://www.cafe-gram.com/shopinfo/

唔同香港有咁多花款,Gram嘅梳乎厘pancake只有原味一款,仲要係限量供應,每日只在上午11點、下午3點同6點先有得食,去到會有人問你要唔要梳乎厘pancake,然後俾張籌你等食。

大家睇呢張西多相都知佢哋其他甜品都唔會差。

跟住呢間星乃珈琲店同樣人氣爆燈,喺東京銀座嘅分店長期排滿人。雖然唔係傳統pancake,但一樣非常鬆軟,店內提供多款pancake味,亦有大小兩個份量選擇。

星乃嘅抺茶味pancake用咗京都宇治上叶園抺茶調味,食落有少少抺茶味咁喇,但夾住啲紅豆同雪糕食又真係好好食。


星乃珈琲店分店:http://www.hoshinocoffee.com/shop.html

但有時喺日本食嘢都會中伏,好似喺梅田HEP樓上嘅FulFle就真係唔係好掂,餐廳主打waffle、pancake同一款70cm高芭菲。可惜3樣都唔多掂。




唔怕豬一般的隊友,去旅行最緊要開心!無論你係藝文青、定辦公室入面的打工仔,只要緊貼旅優之神,生活可以更精采!

© 2017 by AVLord.com All Rights Reserved.