唔怕豬一般的隊友,去旅行最緊要開心!無論你係藝文青、定辦公室入面的打工仔,只要緊貼旅優之神,生活可以更精采!

© 2017 by AVLord.com All Rights Reserved. 

  • 邦主

花蓮有咩玩?!


唔去過花蓮,真係唔知呢個台灣秘景有咁多嘢玩,上天下水咩都有。當中包括一系列嘅驚險刺激戶外活動,好似獨木舟、衝浪、攀石、飛行傘等等,但坐船出海觀鯨,就唔係度度都有得玩。由於花蓮旁邊就係太平洋,所以魚獲特別豐富,就連好多鯨魚同海豚都吸引咗嚟搵食。因此,花蓮成為賞鯨成功率非常高嘅地方,船長話每年六至八月風平浪靜就係觀鯨最佳時機。


除咗戶外活動,為食嘅邦主亦都有去體驗一下當地美食文化,去咗位於吉安鄉南濱路嘅「阿美麻糬阿美小米文化館」玩麻糬DIY,親手造呢款花蓮名物。大約30分鐘嘅工作坊,大家可以體驗到點樣將一碗花蓮特產,紅粟米飯搗到變麻糬,最好玩就係搗米過程中,米嘅黏著度會增加,所以越搗黏性就越強,用嘅力就要越大,好有做Gym嘅感覺!最後,可以製成3大件紅豆麻糬,可惜因為冇防腐劑,所以要即日食,做唔到手信!不過唔緊要,落番地下就係店舖,大家可盡情入貨,各式糕點、小食應有盡有!而其中有一款「晶沙酥」更加係皇牌產品,味道有啲似咸蛋酥,但勝在夠鬆化。