• 邦主

旅優懶人包:大街小巷挑戰味蕾 - 南浦


終於講到邦主今次釜山嘅尾站,南浦同扎嘎其。如果唔係當地朋友介紹,邦主真係唔知釜山有條裝修街,十足十香港嘅駱克道同上海街咁,買燈飾同電腦鎖真係底到冇朋友。


講到食,大家真要試吓8式烤豬腩肉,二人餐包括8大件用咗不同醬料醃製嘅豬腩肉再加上一大煱海鮮湯。如果唔想食烤肉,坐街邊食涼粉或者喺光復洞同BIFF廣場一帶掃街。

光復洞購物區連接南浦同扎嘎其兩個地鐵站,邊個站開始都咁方便。

千祈唔好放過啲橫街窄巷,隨時有意外發現,小店就連韓國傳統廚具都有得賣。

呢度賣嘅電子鎖大部份都係當地品牌,但港幣一二仟蚊有交易。結果邦主又買燈又電子鎖留香港!


成個購物區有大量人氣食店,留待大家慢慢發掘!當中烤魷魚同果仁炸飽都係超人氣小食。

呢間8式烤豬腩肉係韓國著名特色連鎖餐廳之一,但邦主食食吓都唔多清楚自己食緊邊隻味。所以建議大家唔好點醬食,咁先可以試出真味!






唔怕豬一般的隊友,去旅行最緊要開心!無論你係藝文青、定辦公室入面的打工仔,只要緊貼旅優之神,生活可以更精采!

© 2017 by AVLord.com All Rights Reserved.