唔怕豬一般的隊友,去旅行最緊要開心!無論你係藝文青、定辦公室入面的打工仔,只要緊貼旅優之神,生活可以更精采!

© 2017 by AVLord.com All Rights Reserved. 

  • 邦主

去讚岐學造烏冬


去旅行最緊要玩新嘢同食好嘢,所以近年有唔少朋友都選擇遠離東京、大阪等傳統旅遊熱點。當中名古屋、四國、岡山等地紛紛跑出,邦主深信大家一定有見過朋友分享白川鄉啲屋仔相!

大家去到香川縣就梗係要學造名震全球嘅讚岐烏冬。當地都有好多呢類型嘅烏冬學校,等大家有機會體驗吓當地文化,千萬唔好以為上30分鐘堂就做大師傅。大約一小時嘅課程,有得玩有得食。師傅會同大家簡單介紹烏冬歷史,造烏冬要注意嘅事,當然會比大家試試搓粉、砌麵等等。而最令同學興奮就一定係踩麵團嘅環節,全場播起強勁嘅音樂,而本來嚴肅嘅師傅就傻咗,同啲同學喺麵團上又唱又跳,三歲到八十都會全情投入,跳過不停!而大家亦有機會試番自己早前造嘅烏冬同卒業証書。絕對係一家大細都啱玩!



邦主上次就去咗金刀比羅宮附近嗰間中野烏冬學校,食完烏冬午餐,順便做吓飯後運動,行番千幾級樓梯上呢個被稱為日本人一生一定要參拜的神宮參觀。