唔怕豬一般的隊友,去旅行最緊要開心!無論你係藝文青、定辦公室入面的打工仔,只要緊貼旅優之神,生活可以更精采!

© 2017 by AVLord.com All Rights Reserved. 

  • 邦主

食在濟洲, 最愛「阿豬」嗎?!


春天時份, 去到濟洲除賞花之外,「食」就一定係邦主最愛。濟洲島一聽就知盛產海鮮, 當中鮑魚同牙帶魚(當地叫刀魚)都係遊客必食之選。 而濟洲黑豬亦紅遍世界。我唔講,大家都會試。


所以邦主決定唔講這些大路食品,一於同大家分享平民豬料理。 如果,豬肉湯飯係釜山的代表,豬肉湯麵就一定係濟洲的代表。只係7000韓圜,簡簡單單一碗熱騰騰的濃白豬肉湯加上幾件滑滑的豬肉、蔥花同幼麵條,就足已令邦主忘記之前排了四十分鐘先有得食的情景。 而這間OI-rae麵店位於濟洲市蓮洞,一到食飯時間,門口一定坐滿一大班客人等位。 去到記得第一時間衝入去登記攞飛同點菜。其實點菜非常簡單, 因為得豬肉麵你㨂!另外店主都非常細心,預大家要等位, 所以一早安排咗大量膠椅比客人坐。

於同一條街其實有好多地道餐廳比大家開餐。晚飯邦主就幫襯了麵店斜對面的豬手專門店。無錯, 又係豬! 餐牌內有各式口味的豬手,有骨無骨、辣定唔辣。邦主就介紹大家試一下炭烤豬手二人份,上菜前,豬手會用炭火烤熱,色香味俱全。連同其他跟餐的配菜,作為晚餐望就剛剛好。