• 邦主

宋宋原來喺呢度拍嘢?!


自從公布咗宋慧喬同宋仲基會結婚,邦主都好明白一眾「喬兵」同「基迷」嘅心情,所以決定喺大家傷口上曬鹽,一齊去重溫吓當日佢哋擦出愛火的拍攝場地。



位於江原道旌善郡古汗邑的三炭藝術礦場,除了搵到三大“太陽的後裔”場景外,大家仲可以透過呢個由開採石炭的礦山而改建成的文化藝術空間,了解韓國礦業歷史文化同觀賞當地現代藝術品。買票時,大家可以考慮20,000WON套票,包括入場劵、礦夫便當同咖啡,非常低玩。整個藝術礦場有四個樓層,劃分為藝術住宅區、博物館、現代美術館、礦場藝廊、藝術遊樂區等不同區域。

係時候數數位於藝術住宅區“太陽的拍攝點”,其中有一間房間係拍攝時宋仲基待機休息的房間,而家門口仲特別有告示講明㗎。入口處仲特別掛著縫有劉時鎮同徐大英姓名的軍服及帽子,俾大家試穿拍照留念。再落去,大家就會見到劇中喬妹被綁架的地方同佢坐嗰張椅,後面仲有投影播放劇中橋段。再行就會去到舊礦區運送煤礦的鐵道博物館第二個拍攝場景,即係大地震時大家慌亂逃生的拍攝現場,呢個礦區真係好有荒廢後堆滿灰的感覺。最後就係戶外破舊的鐵皮,呢度就係大地震後主角相見的地方。行完啱啱兩個鐘,係時候去食礦夫便當!

22 views

唔怕豬一般的隊友,去旅行最緊要開心!無論你係藝文青、定辦公室入面的打工仔,只要緊貼旅優之神,生活可以更精采!

© 2017 by AVLord.com All Rights Reserved.