• 邦主

係時候開始食「郵」世界


喺邦主心目中,上郵輪就一定要大吃大喝先至夠開心 。最好一日食足五餐,實行食咗先算!


簡單嚟講,船上有數之不盡咁多餐廰同食檔,基本分為免費同收費兩類。免費餐廰通常以主餐廰同自助餐為主,再加上數唔哂咁多小食、快餐等等。至於收費餐廰,不同船都有不同主打,一般都係高級扒房、意大利餐、日本餐、韓燒同亞洲餐之類,個別郵輪仲會有國際名廚主理或米芝蓮餐廰坐陣。以食物質素同份量計算的話,價錢算係非常合理,CP值超高!邦主就試過食完個有阿拉斯加蟹腳嘅海鮮盤後,飽到食唔落甜品。

而免費主餐廰,基本上一日早午晚三餐都可以喺呢度攪掂哂,水準有保證之餘,有時仲有Hightea食。好多時,上船第一餐都會喺主餐廰食晚餐,點解?當大家下午上到船,洗過面、行個圈都夠鐘食晚飯啦!前菜、餐湯、主菜、甜品、咖啡,一個都不能少!如果一班人想豪D,開番支酒,主餐廰都已經非常唔錯!

個人覺得大部份西餐都比較好食,但講緊成個行程咁長,食得多西菜,點都想食番D中菜調劑吓!所以好多船都會加入中菜廳比我哋㨂。



唔怕豬一般的隊友,去旅行最緊要開心!無論你係藝文青、定辦公室入面的打工仔,只要緊貼旅優之神,生活可以更精采!

© 2017 by AVLord.com All Rights Reserved.