• 邦主

與長腳蟹決戰釜山機張市場!



唔知係幻覺,定係我飲大咗?!韓國餐廳啲泡菜真係好食啲,好多時仲可以任食,款色又多!不過今次唔講泡菜,而係想分享幾款去到釜山必食名物。


喺海雲臺搭181號巴士去機張市場,沿途心情都非常興奮同緊張,因為邦主好快就可以食到生猛嘅松葉蟹同長腳蟹。一步入機張市場邦主已經比無數海鮮檔同各色各樣嘅海味、新鮮蔬果所迷惑。完全進入一級興奮狀態!


喺海鮮格價一番,揀完蟹,靚女話要等20分鐘,叫我行吓先。唯有走去買吓海味同用各種海產醃製嘅醬料,大家一定要買用小河蝦醃製嘅蝦醬。終於上菜,竟然有蠶蛹同小海螺做前菜,不過嚇我唔到,照食可也。輪到長腳蟹同松葉蟹登場,咁新鮮嘅蟹,清蒸已經足夠,食嘅係原汁原味,每啖肉都帶住澎湃嘅鮮味,邦主被擊倒了!




唔怕豬一般的隊友,去旅行最緊要開心!無論你係藝文青、定辦公室入面的打工仔,只要緊貼旅優之神,生活可以更精采!

© 2017 by AVLord.com All Rights Reserved.