唔怕豬一般的隊友,去旅行最緊要開心!無論你係藝文青、定辦公室入面的打工仔,只要緊貼旅優之神,生活可以更精采!

© 2017 by AVLord.com All Rights Reserved. 

  • 邦主

遇上統治直布羅陀的猴子


直布羅陀都算係一個特別嘅地方,明明喺西班牙南部,但又因為政治同軍事歷史原因變成英國少數僅餘嘅海外屬土,仲可以用英鎊。如果唔係跟團真係冇諗過去,成個地方最吸引邦主應該係住喺石山上嗰幾百隻短尾猴。


而呢班馬騮嘅存亡更有可能關連到英國人可唔可以繼續統治直布羅陀。因為當地人流傳一個關於呢班馬騮嘅「凶兆」,就係如果呢班短尾猴死哂,就係直布羅陀回歸西班牙之時。所以,英國人都好緊張呢班馬騮嘅數目。聽講幾十年前,曾經試過死剩幾隻,啲直布當地人立即喺非洲運番啲新血上山,到而家大把貨,幾佰隻馬騮佔領成個山,好似仲有人幫佢哋定期做身體檢查,確保佢哋健健康康。真係做馬騮好過做人!

行程安排乘坐小型旅遊巴上到山,由於落車未見猴子踪影,邦主已經非常心急。所以當靚女導遊同大家喺St. Michael's Cave講解啲石頭同舞台嘅時候,邦主已經衝咗出山洞,一走出洞口已經有一大羣馬騮坐喺度,其中有一隻仲喺度扮睇報紙。當邦主行前望吓佢做咩嘅時候,佢竟然一臉可憐咁望住我,邦主唯有偷偷咁比粒糖佢食。估唔到佢立即以純熟嘅手法打開包裝成粒食咗,然後仲叫哂班朋友嚟洗劫邦主啲糖。所以真係唔好亂咁餵馬騮,以免發生危險。

18 views