• 邦主

直擊日本18禁工場


好多朋友都話大阪已經冇嘢好玩,但邦主就啱啱試咗個好多人都唔知嘅18禁活動,就係參觀日本Asahi啤酒廠。原來Asahi喺日本唔同嘅縣都設有廠房  ,仲會提供免費導賞團, 大家只要一日前打電話去預約就ok!

Asahi大阪廠房位於阪急電鐵吹田站東出口附近,跟google map行嘅時候,有一個中伏位就係佢會叫你喺其中一個街口轉右,大家可以唔好理佢,沿著小路一直行就會到。大家一定要注意時間同記得帶headphone。

邦主約咗早上10點嗰場,食咗早餐去啱啱好。由於全程都係日文介紹,開始前大家需要下載個Audio Guide APP, MyGuide,然後再登入Asahi嗰頁聽佢講解。一行廿多人,有日本人、韓國人、少量台灣人同邦主呢個香港人,全部都係酒鬼!全程由日本美女講解酒廠歷史、生產同包裝過程,大家仲有機會試到用嚟釀酒啲穀麥,味道幾得意同食芝

麻差唔多,又可以睇住大量啤酒喺條生產線

上走來走去。整個約90分鐘嘅行程,最大亮點係尾站嗰個展示咗歷年Asahi同各地啤酒包裝設計嘅小走廊同啤酒試飲。每位團友可以免費試到三杯唔同層次嘅啤酒,由淡口到濃口,又有黑啤同威士忌,佢哋仲會教你點樣用罐裝啤酒倒出7:3黃金比例啤酒。值得一提,喺度飲啤酒真係感覺新鮮啲同好飲啲,仲有俾我哋試嗰隻Jack Daniel Japanese Honey 真係得!



最後,唯一會用錢嘅地方就係禮品店,店內有大量廠方限量零食、啤酒同2020東京奧運紀念品,其中蘋果酒蛋糕同麥茶都唔錯。另外,大家可以將ExpoCity安排落同一日行程,喺吹田飲完啤酒再過去ExpoCity食晏、行街啱啱好。以下係邦主嘅一天行程:上午 Asahi tour > 下午 ExpoCity > 晚飯 道頓堀 食雞泡魚套餐 > 激安掃貨



Asahi tour 地址及預約電話: https://www.asahibeer.co.jp/brewery/language/english/ 

唔怕豬一般的隊友,去旅行最緊要開心!無論你係藝文青、定辦公室入面的打工仔,只要緊貼旅優之神,生活可以更精采!

© 2017 by AVLord.com All Rights Reserved.