飄移體驗

飄移體驗

旅優企劃 - 12月「潮聖」推介

2017必讀

2017必讀

請假去旅行攻略

食戟之旅

食戟之旅

東南亞美食

與「公主」放縱地「郵」走沖繩、台北!

October 11, 2016

今次並唔係咩浪漫5天旅程,而係坐黃金公主號喺基隆上落船,期間會去那霸、石垣島同宮古島玩,一於向購物同美食世界挑戰!今時今日坐郵已經唔再老餅,而係精華遊嘅好選擇。因為除咗喺船上盡情玩樂,落咗船又可喺當地玩飽食醉。大家相安無事,各自享受旅程,我都懶理其他乘客係咩人!

 

我比原定行程早咗一日到台北,玩一轉台北先至去基隆上船。今次住台北有園飯店,地點方便又新淨,落街已經有好多食肆,行5分鐘就到捷運南京復興站。搭3個站去西門町開餐兼買手信比同事。

到咗西門町,忽然想食麻辣火鍋,GOOGLE咗馬辣同瘋麻辣兩間。馬辣因為冇訂位,冇得食。結果去瘋麻辣,非常有驚喜,湯底、食物同環境都掂。店員知我第一次幫襯,推介我食雞煲同麻辣鍋,可惜比本邦主一口拒絕,只點咗麻辣鍋,成為今次一個遺憾!!

店員推介必食招牌雞煲

 

 

食完就去附近行街再去饒河夜市,睇吓有冇發現!番到酒店,準備第二日,基隆港上船,向琉球國進發!

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

人氣Pokemon小背心

 

amba飯店4 層誠品商場絕對係年青手信之選

 

 

饒河夜市依然咁多人

 

 

船上食咗一餐豐富海鮮後,終於到達那霸市。下午1 點幾落船10點先上番船,有大把時間,可以HEA住玩。第一站,坐Monorail去機場再轉巴士到達Ashibinaa Outlet,開始血拼!

除咗購物外,場內有多個唔同造型嘅cute版風獅爺石像,睇吓你搵列幾多隻!

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

去日本又點少得地區限定飲品!

 

 

番到國際通,第一時間去咗整自家設計燙畫 tee,店內提供過佰款圖樣設計選擇,番香港唔會同人撞Tee。個人而言,呢個絕對係去那霸嘅指定動作!今次仲有美少女幫我燙。

食完雪鹽雪糕,係時候去第一牧志公設市場First Makishi Public Market開餐,Agu豬、魚生、豬手同苦瓜啤酒少不了。今次豪D,喺樓下魚市場買咗隻夜光貝,講真,試過就算,可一不可再!

 

牧志公設市場2樓人氣食堂

 

苦瓜啤酒真係苦D!

 

因為比同行嗰位悶蛋影響咗, 冇去到HapiNaha (http://hapinaha.com) 嘅Pokemon Store同明星麵主題店潮聖。又一個遺憾!

 

 

上番船,去吓Bar,游吓水兼睇戶外影院又一天!

 

下午坐接駁船去石垣島,唔怕晒就一定要坐項層睇風境,一陣就到步。跟團去咗坐玻璃船睇珊瑚,再食兩球Blue Seal雪糕。

Topical Marble + Blue Wave

 

 

嚟石垣島,戲肉當然係石垣牛!但要平食石垣牛,梗係去公設市場。到達碼頭附近嘅商店街,第一時間去石垣市公設市場地下肉檔買兩件靚牛,然後上3樓間餐廳開餐。每件牛扒收500日元烹調費。最後,再點一碟沖繩苦瓜炒蛋作結尾!

每件牛扒收500日元烹調費。最後,再點一碟沖繩苦瓜炒蛋作結尾!

 

 

 

公設市場同商店街都有各種手信,必買芒果同菠蘿果醬、辣椒油同海鹽。

 

 

海灘水清沙幼,仲有各樣水上活動玩

 

 

今次日本之行,最後一站係宮古島。參加咗船上嘅岸上觀光團 (USD24位),簡單講只係有專車循環島上4 大景點,海灘、德國公園、溫泉(只限中午12點後)同AEON購物城。

AEON購物城係當地居民買日用品嘅地方,所以超市、藥房、10蚊店、精品店、土產店樣樣齊。

 

 

小貼士: 最後一日船程記得預時間執行李同放出房門口,當日晚上10點會有船上服務員收行李。所有簽證同護照記得跟身!!

 

要讚:  旅行社由基隆港上船及沿途船上都有服務櫃枱,方便我哋問嘢。

 

 

 

 

Share on Facebook
Share on Twitter
Please reload

編輯推介:

Travel Blogs

March 13, 2017

Please reload

ALL TAGS