唔怕豬一般的隊友,去旅行最緊要開心!無論你係藝文青、定辦公室入面的打工仔,只要緊貼旅優之神,生活可以更精采!

© 2017 by AVLord.com All Rights Reserved. 

芭提雅18禁之旅

November 25, 2016

芭提雅好多人都去過,但今次呢個18禁旅程就唔係人人試過,至少邦主身邊好多朋友都未玩過。點解18禁?因為真係唔多啱小朋友玩,一日嘅遊艇旅程去足三個島,有浮潛、有釣魚、有跳海,最精彩就係勇闖馬騮島,俾成佰隻馬騮圍,係真係隨時有幾隻當你係樹爬上你身!

 

朝早8 點幾喺酒店上車,大約1個鐘車程便到達碼頭。望一望,大部份客人都係韓國人同洋人,只有邦主一個香港人,結果邦主被安排同一班韓國朋友同船。

 

除咗同酒店訂,大家都可以上網訂位

 

開船冇耐,大家已經打成一片,展開一日愉快旅程。未到第一個島,大家都好忙咁影相、晒太陽同跑到船尾一試海上跳彈床嘅感覺。盡情享受無拘無束嘅假期。

 現實版Oppa!

 

彈床上曬太陽,太爽!

 

頭兩個島,分別係Bamboo island 同Moonlight island,係玩浮潛、釣魚同跳海為主。釣魚的話,船費已經咗漁竿等工具。玩浮潛,就要比按金600B,包潛水鏡同救生衣。船家會開快艇帶我哋去安全水域潛餐飽,而喺Bamboo island大家仲可以上海灘玩吓影吓相。至於跳海,當然係花式彈床跳水。

 

我⋯⋯跳!

 

話咁快就到中午開餐,船家早就為我哋準備豐富嘅美食,冬陰功、燒烤、咖喱、水果 All you can eat!味道OK啦!

 

正宗泰式放題

 

船家自己就食好嘢 ,海班呀!

 

終於到達今日嘅亮點,馬騮島。未落駁艇已經見到岸邊有一大班朋友等緊邦主,有成佰隻馬騮例隊歡迎我哋!邦主此刻真係開心到極點,第一個跳船同老朋友相擁一番。呢班熱情嘅泰國馬騮會非常主動咁跳上你身,你可以比啲花生同水果佢哋食,上得呢個島就預咗比佢當樹爬,如果驚就真係唔好去。大家真係記住唔好主動接觸佢哋,以免發生危險。

 

船家會準備好水果餵馬騮

 

 

小姐,請問你用邊隻眼影?

 

玩咗一日,都係時候番酒店。回程原來仲有終極環節,全船人同對面船鬥舞!兩隻船同時響強勁嘅音樂,大家盡情舞吧,為今個旅程畫上完美句號!

 

最後大合照!

 

大家如果去芭提雅的話,真係要試吓呢個咁好玩嘅一日遊!邦主絕對俾佢滿分!!

Share on Facebook
Share on Twitter
Please reload

編輯推介:

Travel Blogs

March 13, 2017

Please reload

ALL TAGS