飄移體驗

飄移體驗

旅優企劃 - 12月「潮聖」推介

2017必讀

2017必讀

請假去旅行攻略

食戟之旅

食戟之旅

東南亞美食

泰過嘆!酒店唔好慳!

November 29, 2016

而家去泰國機票價格成日都咁平,唔去多幾轉好似有啲對唔住自己。但酒店錢就真係唔慳得,點都唔好刻薄自己。邦主啱啱住完芭提雅嘅Hilton Pattaya同曼谷W Bangkok,感覺真係唔錯,都想同大家分享吓。

 

1. Hilton Pattaya 對住個海瞓到自然醒

Check-in 時話到明要住高層,結果前台靚女比咗間25樓嘅露台房邦主。一入房,邦主已經比個無敵Pattaya Beach海景吸引住,衝咗出露台。定一定神,成間房由洗手間到大床都係對住個無遮擋海景。房間環境完勝!

 

另一個亮點就係佢地嘅海天一色泳池,無論咩時間去游水都咁爽!當然最好就係清早同黃昏時段啦,有靚景之餘,仲成日見到有各國Ladies。但可憐嘅邦主就只有一班印度朋友同我搭訕⋯⋯!

 

話明嘆酒店,梗係要幫襯吓天台Bar,Horizon,同班朋友吹吓水hea番晚!基本格局都係分咗室內餐廳同室外飲嘢,飲品大約300-400 ฿到啦。一心諗住一邊hea一邊欣賞芭提雅夜景,點知突然落大雨,被迫搬入室內⋯⋯唔通連個都唔鐘意邦主?!

 

喂!飲嘢就唔好捉Pokemon啦!

 

2. W Bangkok 潮玩泰拳概念

由於個人對英文字母”W”情有獨鍾,諗都唔諗就揀咗W Bangkok。一步入酒店大堂已經知道冇揀錯。貫徹W系列嘅現代華麗感,完全唔係傳統5星酒店嗰種豪、爆、勁。再加上一眾充滿笑容嘅靚女員工,真係令邦主感覺良好!而酒店好多細位都滲入咗泰拳元素,實在”泰”有個性。

 

 

 入到房,我就比床上面嗰對紅色XL拳套枕頭吸引住,立刻 ” 曹星如”上身,玩弄一番。講番間房,除咗夠大之外,亦已經用咗智能系統管理哂啲燈光、冷氣等等設施,非常方便。最後,旅行最重要嘅免費WI-FI當然唔少得!

 

真係牛咁大個拳頭!

 

天氣咁好,梗係要落泳池hea番陣。環境Ok啦,都係志在試吓啫!浸完水,係時候出動,都係行5分鐘就到Chong Nonsi BTS站,去邊都咁方便。

 

大堂有Pop-Up Store,連XL拳套都有得賣。

Share on Facebook
Share on Twitter
Please reload

編輯推介:

Travel Blogs

March 13, 2017

Please reload

ALL TAGS 

Please reload